Манчестер сити од следната сезона во составот ќе биде без Кевин де Бројне. Белгискиот фудбалер за врска официјално објави дека ќе го напушти клубот по завршувањето на сезонава, а Граѓаните ќе му приредат испраќање какво што заслужува човекот кој 10 години го носеше нивниот дрес.
Де Бројне досега има одиграно 413 меча за Сити, даде 106 гола, има 117 асистенции, а освои 18 трофеи, меѓу кои шест во Премиер лигата и една во Лигата на шампионите.
Кевин, кој има 33 години, кариерата веројатно ќе ја продолжи во некој клуб од Саудиска Арабија, но можно е да замине и во САД или Канада во тим од МЛС-лигата.
