Маркос Пицели ѝ донесе предност на Ерменија од 1-0 по првото полувреме против Македонија, а трагичар по првите 45 минути е Столе Димитриевски.
Голманот на нашата репрезентација направи неочекуван кикс и по ударот на Пицели од далечина, ја испушти топката, која влезе во мрежата. Неочекувано и шокантно за нашата селекција, која потоа имаше шанса да израмни.
Во 27-мата минута, по асистенцијата на Горан Пандев, Енис Барди беше во позиција да погоди, беше фаулиран, но судијата Штромбергсон не досуди пенал. Веројатно го имаше, но Швеѓанецот одлучи играта да продолжи.
Македонија нема пораз на десет меча по ред, а избраниците на Игор Ангеловски имаат уште 45 минути во Ереван да останат непоразени и да ја продолжат долгата серија без несупех.
