Англискиот репрезентативец Хари Кејн го пропушти драматичниот триумф на Баерн Минхен од 3:2 на гостувањето кај Фрајбург, откако се врати од репрезентативниот камп со повреда. Најдобриот стрелец на баварците е под постојан надзор на медицинскиот тим, а неговата состојба останува неизвесна неколку дена пред првиот четвртфинален натпревар од Лигата на шампионите против Реал Мадрид.
И покрај загриженоста околу неговата физичка подготвеност, во клубот владее оптимизам дека Кејн ќе биде подготвен за големиот дуел во Мадрид.
Неговиот соиграч Џошуа Кимих ја прокоментира ситуацијата со доза хумор, но и со доверба во професионалноста на напаѓачот:
„Искрено, не знам каква е неговата состојба во моментов. Но се надевам дека ќе биде подготвен за натпреварот во вторник. Мислам дека би играл дури и да беше во инвалидска количка. Дури и ако има болки, верувам дека ќе стисне заби и ќе биде на теренот во Мадрид“, изјави Кимих.
