Кингсли Коман, крилниот напаѓач на Баерн Минхен и францускиот репрезентативец, е многу блиску до трансфер во саудискиот клуб Ал-Наср. Според информациите, Ал-Наср веќе подолго време го следи Коман и е подготвен да му понуди договор со значајна финансиска понуда која ќе биде тешко да ја одбие.
Французинот, кој во својата кариера има освоено повеќе трофеи, вклучувајќи ја и Лигата на шампионите, нема ништо против преселбата на Блискиот Исток, а мотив за ваквиот чекор би можела да биде и новата авантура во кариерата, како и атрактивните услови кои ги нуди саудискиот клуб.
Се очекува во текот на следните неколку дена двете страни да ги финализираат преговорите, по што би следело официјално потпишување на договорот и претставување на Коман како ново засилување на Ал-Наср, каде што во нападот на тимот би се приклучил на ѕвезди како Кристијано Роналдо и Садио Мане.
