Гостинска доминација во мечевите од плејоф дуелите за пласман во групната фаза од Лига на шампиони. Бриж на гостински терен во Глазгов со 3:1 го победи Ренџерс, додека Карабах со 3:1 на гости го победи Ференцварош. Со овие победи, Бриж и Карабах веќе со една нога се дел до групата во Лига на шампиони.
Доминацијата на гостите ја потврди и Пафос и тоа со победа од 2:1 во Белград против Црвена ѕвезда. Иако српскиот тим беше фаворит, Пафос уште во првата минута, односно во 38 секунда стигна до водство со голот на Кореа.
Пафос можеше да води и со 2:0 во првиот дел, но голот на Бруно беше поништен поради играње со рака.
Кипарскиот тим потврди дека е опасен ривал, па на стартот на вториот дел поведе и со 2:0. Беше досуден пенал за гостите, а Пепе без проблем погоди за 2:0.
Само шест минути по пеналот на Пафос, беше досуден удар од белата точка и за Црвена Ѕвезда. Бруно Дуарте го изведе пеналот, но голманот на гостите одбрани. За среќа на домаќините, топката повторно се врати кај Дуарте, кој со глава успеа да погоди за 1:2.
Crvena zvezda [1]-2 Pafos – Bruno Duarte 58'
byu/4gjdtokurwa insoccer
