Кирил Лазаров мајсторски ја води Македонија кон пласман на Европското првенство во 2024 година, а на клучниот меч за пат во Германија по првото полувреме водиме против Турција со 17:8.
Никола Митревски во тој серијал без примен гол имаше дури пет одбрани, Мартин Томовски фати пенал и ситуацијата беше одлична за нас.
Турците сепак малку се подразбудија, искористија неколку исклучувања кај нас и постигнаат пет гола, па намалија на 6:12 на 7 минути до крајот на полувремето.
Сепак Митревски продолжи да брани феноменално и им даде нов потстрек на соиграчите, па имаме одлична предност од 9 гола по 30 минути игра.
Дејан Манасков постигна четири гола, а по трипати погодија Талевски и Јагуриновски, додека Пешевски даде два гола.
Македонија во првото коло го декласира Луксембург со 38:24, а ако победи и денеска против Турција ќе биде многу блиску до пласман на ЕП во 2024 во Германија.
