Селекторот на машката ракометна репрезетација на Македонија, Кирил Лазаров, на првиот собир од подготовките пред двомечот со Словенија од квалификациите за ЕП 2026, ги повика сите ракометари кои играа и беа дел од подготовките за Светското првенство во Вараждин зимоска, а новитет на листата е само Дамјан Митев.
Младиот Митев (брат на Марко Митев) од Алкалоид е лев бек и ќе ја зголеми конкуренцијата на позицијата на која ги имаме Филип Кузмановски и Павле Атанасијевиќ.
Лазаров на списокот има и осум резерви кои би влегле во составот ако има потреба.
Првиот меч со Словенија е дома во Скопје на 12-ти март, а четири дена подоцна во Копер е гостувањето. Првиот собир на репрезентативците е закажан за 9-ти март.
