Австралијскиот тенисер Ник Кирјос оваа година на Гренд слем турнирот во Мелбурн учествува во улога на тв коментатот и аналитичар. Кирјос е познат како добар пријател на Ѓоковиќ, но по полуфиналето во кое Јаник Синер успеа да го победи Србинот, Ник не штедеше пофални зборови за финалистот на Австралија опен.
„Откако дојде тренерот Дарен Кејхил, има голема промена во играта на Јаник. Тоа се гледа и по фактот дека два пати за кратко време го победи Новак. По овој меч, мислам дека Синер може да биде новиот Ѓоковиќ. Алкарас го има тој Х фактор и блескава игра, но Синер е цврст“, објасни Кирјос во својата анализа.
Во утрешното финале во Мелбурн, Синер ќе игра против Данил Медведев кој во неверојатен меч успеа да го победи Александер Зверев со 3:2 во сетови, откако прво Русинот губеше со 0:2.
