Најдобриот италијански играч што го има Јувентус, Федерико Кјеза, рече дека амбициите на клубот се да игра во Лигата на шампионите во следната сезона, а не заборави да каже дека и лани на терен озбебедија место во ЛШ, но беа казнети.
„Веќе две сезони по ред немаме освоено трофеј и не можеме да бидеме задоволни. Веројатно ова има влијание и врз перцепцијата за тимот гледано од надвор. Наша цел е да се планираме во ЛШ за следната сезона. Ние и во минатата сезона на терен успеавме, но ни беше одземено правото да играме во ЛШ“, рече 25-годишниот Кјеза.
Федерико ги гледа на телевизија настапите на италијанските клубови во ЛШ и не му е сеедно.
„Ги гледам, да. Малку сум лут бидејќи заслуживме да бидеме таму, а не ни дозволија. Милан беше петти на табелата, а игра во ЛШ само затоа што нам ни беше одземено правото да играме“, додава Кјеза.
