Легендарната американска тенисерка и седумкратна освојувачка на гренслеми, 43-годишната Венус Вилијамс, на турнирот во Синсинати за првпат по четири години победи противничка од топ 20 на ВТА-листата.
Жртва на Вилијамс беше Русинката Вероника Кудерметова, која е 16-та на ВТА-листата. Вилијамс е дури 533-та и на турнирот учествува со вајлд-карта.
Венус тоа го направи со стил и големи пресврти, во првиот сет губеше 1-4, а го зеде сетот со 6-4, додека во вториот губеше 1-5, спаси две сет-топки и го доби со 7-5.
