Вејн Руни има постигнато над 300 голови во кариерата и е еден од најдобрите стрелци во историјата на англискиот фудбал, а дека сè уште знае да постигнува прекрасни погодоци, потврди и вечерва.
На 34-годишна возраст дојде во Дерби каунти за да му помогне да се пласира во Премиер лигата и со голови го влече клубот кон бараж-зоната.
Руни е вистински мајстор за слободни удари, а токму против Престон докажа дека сè уште ја има магијата. Во 18-тата минута доби шанса да бие од прекин и тоа го стори велемајсторски, погодувајќи го аголот од голот што за Престон го бранеше Руд.
Derby County [1] -0 Preston North End – Wayne Rooney Free Kick 18′ from soccer
Голманот на домаќините беше измамен, тргна на погрешната страна, а Руни го постигна петтиот гол сезонава за Дерби. Популарните Овни победија со 1:0 со неговиот гол и сега се седми со 60 бода, само едно скалило под зоната што води во плејофот за пласман во Премиер лигата.
До крајот на Шампионат лигата има уште шест кола.
