Кливленд кавалирс го совладаа Бруклин нетс со 105-100, остварувајќи ја својата 11-та последовна победа, останувајќи единствениот непоразен тим во НБА лигата. Тие ја добија последната четвртина со 35-18 и успеаја да стигнат до нов триумф.
Еван Мобли со 23 поени и Донован Мичел со 22 поени го предводеа Кливленд на овој дуел.
ЛА Клиперс славеше против Торонто Репторс со 105-103, што е нивна четврта последовна победа, со што дојдоа до ефект 6-4.
Џејмс Харден и Норман Пауел ги предводеа Клиперс со по 24 поени, додека Кевин Портер од клупата постигна 15. Кај Репторс, најпрецизни беа Имануел Квикли и Очаи Агбаџи со по 21 поен.
Резултати НБА: Сан Антонио – Јута 110-111, Атланта – Чикаго 113-125, Кливленд – Бруклин 105-100, ЛА клиперс – Торонто 105-103.
