Ливерпул го пречекува Манчестер сити во дербито на ова коло во Премиер лигата. Ова ќе биде дуел на двете пропласирани на табелата по шест одиграни кола. Ливерпул е единствен без пораз, а тренерот Јирген Клоп се надева дека така ќе остане и по средбата со Граѓаните.
„Мораме да бидеме во нашето најдобро издание, затоа што само така ќе имаме шанса да победиме. Мораме да бидеме агресивни, дрски. Во дорба форма сме и имаме самодоверба, но сепак мора многу да бидеме внимателни затоа што Сити според мене во моментов е најдобриот тим во Европа“, рече Клоп.
На последниот меч меѓу овие две екипи одигран на „Енфилд Роуд“, Манчестер сити победи со убедливи 4:1, со што Граѓаните ја срушија негативната традиција според која немаа победа на легендарниот стадион цели 18 години.
