На почетокот од сезоната, буквално во последниот ден од летниот преоден рок, Ливерпул се пофали дека во своите редови го доведе Артур Мело од Јувентус. Бразилецот пристигна како позајмен играч и требаше да биде освежување во тимот.
Мело, кој во Јувентус дојде во 2020 година, не се снајде најдобро во италијанскиот тим, а од Ливерпул веруваат дека ако дојде кај нив, ситуацијата ќе биде поинаква. сепак, наместо на теренот, Мело цела сезона ја преседе на клупата и на трибините.
Во цела сезона, Мело одигра само 13 минути за првиот тим на Ливерпул, и тоа во дуелот против Наполи во групната фаза од Лигата на шампионите. Тогаш во игра влезе во 77-мата минута, кога Наполи веќе водеше со 4:1. подоцна одигра три меча за У23 тимот на Ливерпул.
View this post on Instagram
По една ваква очајна сезона, јасно беше дека Мело нема да остане на „Енфилд роуд“ и ќе биде вратен во неговиот матичен клуб Јувентус.
„Сакам да му посакам сè најдобро на Артур. Неговата позајмица во Ливепрул се ближи до крајот. Сплет на околности, тој немаше шанса да игра толку колку што посакуваше, но покажа дека е голем професионалец“, рече Клоп.
