Фудбалерите на Манчестер јунајтед дојдоа до пласман во полуфиналето од англискиот ФА куп, откако во фантастичен меч го совладаа Ливерпул после продолженијата со 4-3. Тренерот на црвените од Енфилд смета дека немало да биде незаслужено и ако победи Ливерпул, со оглед на тоа дека имаа на двапати водство, кое го испуштаа во самиот финиш најпрво на регуларното време, а потоа во продолженијата.
„Играа еден на еден против нас во последната линија. Тоа моравме подобро да го искористиме. Натпреварот поминуваше, а ние не бевме воопшто подобри. Ризикуваа, а ние не го правевме тоа. Не успеавме да го завршиме натпреварот на вистинскиот начин. Ова е навистина тешко за нас. Првпат ја видов мојата екипа како навистина се мачи. Поминавме многу невољи, денес немаше да биде незаслужено и ао го добиевме натпреварот, но на крајот сепак бевме поразени.“ – рече Јирген Клоп после натпреварот против Манчестер јунајтед.
