По осум години поминати во Ливерпул, еден од најдобрите тренери на денешницата, Јирген Клоп си замине од „Енфилд роуд“ и најави дека му е потребен одмор. Сепак, одморот на Клоп траеше многу кратко, само неколку месеци. Тој повторно е во фудбалот, но не како тренер што беше шокантно за многумина.
Клоп ја прифати понудата да биде директор на глобалниот фудбал на Ред Бул.
„Можеби мојата улога е променета, но мојата страст за фудбалот и за оние кои го играат, останува иста. Се вклучив на Ред Бул на глобално ниво. сакам да работам на развивање и унапредување на неверојатниот фудалски талент кој ни е на располагање“, рече Клоп, кој ќе биде во улога на ментор на тренерите и менаџментот на Ред Бул.
„Јас сега сум дел од оваа организација која е единствена, иновативна и гледа напред. Воодушевен сум“, додаде Клоп, кој претходно освен осумте години поминати во Ливерпул, беше тренер по седум сезони во екипите на Мајнц и Борусија Дортмунд.
