Изминативе неколку недели шпекулации се засилија околу тоа дека Мо Салах повеќе не е среќен во Ливерпул и дека по крајот на сезоната ќе бара преселба во нов клуб, меѓутоа сето тоа го демантираше Јирген Клоп.
Менаџерот на актуелниот англиски првак посочи дека Салах е доста добро расположен и среќен.
„Сè што вие медиумите го пишувате, е интересно, меѓутоа нема вистина во тоа. Салах е среќен тука. Да бевте денес на нашиот тренинг и да го снимевте како се смее, сè ќе ви беше јасно. Мора да присуствувате на еден наш тренинг да видите колку всушност ужива покрај нас“, истакна Клоп.
Eгипетската ѕвезда дополнително со својата импресивна статистика демантира секаква шпекулација околу негово евентуално заминување од „Енфилд“. Сезонава Салах постигна 13 погодоци во исто толку натпревари во Премиер лигата, а уште три гола забележа во Лигата на шампионите.
