За Ливерпул успесите почнаа да се редат откако Јирген Клоп ги воспостави темелите на Мерсисајд. Формирањето на овој шампионски тим траеше неколку сезони, за во последните две Црвените да стигнат до шестата титула во Лигата на шампионите, како и 19-тата во Англија, односно прва откако е формирана Премиер лигата.
Голема заслуга за тоа секако има германскиот стратег, кој по освојувањето на европската титула, ставни потпис на нов петгодишен договор, според кој ќе се задржи на „Енфилд“ до јуни 2024 година. Во интервју за една германска телевизија Клоп кажа дека има три опции откако ќе му заврши соработката со Ливерпул, а да остане во клубот не е една од нив.
„Би можело да одморам една година, да преземам клуб или национален тим, а може да не правам ништо“, истакна харизматичниот Клоп.
Меѓутоа, германската јавност во иднина го гледа како селектор на Германија, а во минатото и самиот Јирген напомена дека тоа е опција, да ги преземе Панцерите.
Klopp is interested in the job as a coach of @DFB_Team in Future and DFB is interested in him as well https://t.co/CF7FqHbbUd
— Christian Falk (@cfbayern) July 13, 2020
