Шведскиот клуб Мјалби обезбеди место во европските натпреварувања за сезоната 2026/27, што ќе биде нивен прв настап во Европа. Ова е огромно достигнување за клубот, кој потекнува од Хелевик, село во јужна Шведска кое брои помалку од 1.500 жители според последниот попис.
Покрај „визата“ за место во Европа, Мјалби е на добар пат да направи сензација и да ја освои титулата. На пет кола до крајот, Мјалби има 11 бода повеќе од второпласираниот Хамарби и би било чудо Мјалби да не стигне до првата титула во шведското првенство.
Мјалби е клуб кој низ својата историја имал многу осцилации. Бил во првата лига, па потоа знаел да падне и до четвртата шведска лига. Не толку одамна, односно во периодот од 2015 до 2018 година, беше во третата лига. Потоа, во две последователни сезони, освоил промоција и сега игра во највисокото ниво на шведскиот фудбал шеста сезона по ред. Во овој период, на крајот од првенството завршувал меѓу петтото и десеттото место на табелата.
Според Transfermarkt, Мјелби е деветтиот тим по вресност во шведското првенство. Вкупната вредност на играчите е 15,7 милиони евра. Највредниот шведски клуб е Малме со 40 милиони евра, а Хамарби исто така вреди над 30 милиони, додека Ѓургарден вреди 25 милиони евра. Овие, заедно со Елфсборг, АИК и Хекен (исто така вредни над 20 милиони), се претежно најголемите фаворити на шведското првенство и клубовите што го освојуваат, но оваа година тоа очигледно ќе се промени.
