Дисциплинската комисија на Фудбалската федерација на Боливија го казни клубот Аурора со одземање 33 бода пред почетокот на новата сезона од националниот шампионат поради фалсификување на возраста на играч од тимот, пренесува телевизискиот канал TyC Sports.
Во текот на истрагата било утврдено дека вистинското име на напаѓачот на Аурора Габриел Монтањо е Диего Монтањо. Се дозна и дека фудбалерот нема 20 години, туку 25 години.
Монтањо доби двегодишна суспензија, претседателот на Аурора Хаиме Корнехо – три. Од клубот најавија дека ќе се жалат на одлуката на федерацијата.
Во последната сезона од боливискиот шампионат клубот го зазеде четвртото место со 48 бодови. Резултатот од последното првенство нема да биде поништен или коригиран. Монтањо одигра 21 натпревар, постигна 8 голови и 1 асистенција.
