Омиркон варијантата од ковид-19 вирусот „удри“ навистина силно по екипите од Премиер лигата, па затоа и се разгледува опцијата за да се прекине ова натпреварување.
Односно, да не се одиграат натпреварите од ова коло викендов, како и дуелите од Лига купот коишто се закажани во текот за следната недела.
„Мислам дека овој викенд треба да биде одложено целото коло во Премиер лигата.
Бројот на заразени е навистина висок во клубовите и тоа претставува голем проблем за екипите“, изјави тренерот на Брентфорд, Томас Френк.
Тој воедно додаде и дека разговарал со челниците на клубовите и Премиер лигата и сите се согласни околу оваа идеја.
Ситуацијата во клубовите е навистина сериозна, речиси и да нема клуб кој остана „негативен“ по последниот бран на ковид-19.
Останува да се види каква ќе биде одлуката на челните луѓе на најсилното фудбалско натпреварување на Островото и дали овој викенд ќе има фудбал на терените на терените во Англија.
