Кралот на стрелците во италијанската Серија Б, Масимо Кода е нов играч на Џенова, со нив ќе се обиде да направи хет-трик, а целта е пласман на најстариот фудбалски клуб на Чизмата во Серија А.
Кода е топ-стрелец во последните две изданија на Серија Б, а играше за Лече, кој годинава се пласираше во највискиот ранг на натпреварување во Италија.
Преклани 33-годишниот напаѓач беше најдобар стрелец во Втората лига со 22 гола, а и во сезоната што неодамна заврши со успех за Лече пак беше на врвот на листата со најдобри стрелци со 20 погодоци.
https://twitter.com/GenoaCFC/status/1542481850458849280?s=20&t=oopNHRfZYtKq-_qM6pmrWQ
Џенова е клубот со најдолга фудбалска традиција во Италија, постои од 1893 година, но имаше лоша сезона и испадна во Серија Б.
Со ангажманот на Кода се надеваат на експресен кам-бек во Серија А, а Масимо има шанса за уникатен подвиг и третпат по ред да биде најдобар стрелец во Серија Б.
