Ливерпул официјално потврди дека Коди Гакпо потпиша нов договор со клубот. Холандскиот напаѓач стави потпис на продолжување на соработката во тренинг-центарот „AXA“.
„Чувството е неверојатно што останувам тука, во овој прекрасен клуб. Благодарен сум и се надевам дека ќе можам да донесам уште многу убави моменти. Се чувствувам како дома, исто и моето семејство, што е многу важно. Многу сум среќен, имаме одлична група и соиграчи, така што уживам во секој момент“, изјави Гакпо по потписот на новиот договор.
27-годишниот офанзивец се приклучи на Црвените во јануари 2023 година од ПСВ Ајндховен и досега има забележано повеќе од 70 настапи во сите конкуренции.
