Германскиот вицепрвак Борусија Дортмунд ќе биде без неколку важни фудбалери во саботното дерби против Шалке. Според германски „Кикер“, капитенот Марко Ројс, Аксел Вицел и Емре Џан сигурно нема да играат, а на повреди се жалат и Геце, Санчо, Аканџи, Шмелцер и Хакими.
Речиси по два месеци пауза поради пандемијата со корона-вирусот, фудбалот во Германија ќе продолжи на 16 мај со мечевите од 26-тото коло. Борусија, која е во трка со Баерн Минхен за шампионската титула, моментно заостанува четири бода, додека Шалке е на шестата позиција со 14 бода помалку од големиот локален ривал од рурската област.
Дуелот кој в сабота ќе се игра на „Сигнал Идуна парк“ ќе биде без присуство на гледачи, кои секогаш се 12-ти играч на Милионерите, но решено е до крајот на сезоната, на ниту еден стадион да нема навивачи, како една од главните мерки за превенција од опасниот вирус.
