Македонскиот првак Шкупи го помина првото коло од квалификациите во Лигата на шампионите откако со вкупни 3:2 по двомечот го елиминира тимот на Линколн од Гибралтар. Сега чаирчани се пред нов многу поголем предизвик, двомеч против хрватскиот првак Динамо Загреб.
Првиот меч се игра вечерва на „Максимир“, а Динамо е огромен фаворит за победа. За триумф на Шкупи квотата е нешто што досега немало во историјата на Лигата на шампиони.
За тоа колку Шкупи е без шанси против Динамо, покажуваат и останатите коефициенти за овој дуел. Македонскиот првак да постигне еден гол на денешното гостување носи коефициент 3.20, додека за Т2 2+ односно Шкупи да постигне два погодоци, коефицинетот е дури 19.3. Нереални се шансите Шкупи да постигне три или четири гола, па затоа и квотите се 81, односно дури 151.
