Екипата на Интер им се врати на победите, откако со 0-2 славеше на гостувањето кај Пиза. Поранешниот шампион на Италија со оваа победа се искачи, барем привремено, на третата позиција на табелата, со еден бод помалку од лидерот Милан.
Човек на одлуката беше Лаутаро Мартинес, кој беше стрелец на двата гола, во 69-тата и во 83-тата минута.
Со тоа продолжи традицијата, кога Аргентинецот погодува, Интер да победува. Последниот пат кога Лаутаро погоди, а Интер не победи, се случи на 18-ти јуни, на мечот од Светското клупско првенство и тоа против Монтереј (1-1).
