Некогашниот италијански репрезентативец Кристијан Виери беше воодушевен од играта на Лионел Меси на дуелот на Барселона против Јувентус во Торино. Каталонскиот гигант без многу проблеми победи со 2:0, а Меси погоди од пенал. Виери вели дека Меси е магионичар и дека нема друг фудбалер како Аргентинецот.
Популарниот Бобо дури изјави дека кога Меси ќе ја заврши кариерата, не планира да гледа фудбал.
„Лео Меси е фудбалскиот Хари Потер. Во оној момент кога тој ќе престане да игра, ќе ги фрлам сите мои телевизори и ќе се префрлам на гледањe Netfliх затоа што веќе нема да има што да гледам“, вели Виери.
