Првакот Јувентус со победа ја отвори новата сезона во италијанскиот фудбалски шампионат, а триумфот од 1-0 на гостувањето кај Парма на „бјанко-нерите“ им го донесе Џорџо Кјелини.
Ова беше прв меч од Серија А после пауза од 90 дена. Кјелини во 21 минута добро се снајде и беше стрелец на голот, а капитенот на Јуве првпат во кариерата даде гол на натпревар од прво коло.
За ветеранот Кјелини, ова е прв гол во првенството од декември 2018 наваму. Тогаш погоди против Фиорентина.
И Кристијано Роналдо даде гол во првото полувреме на „Енио Тардини“, но по прегледување на снимка, беше поништен поради минимален офсајд од неколку сантиметри, а можеби и милиметри одлучуваа. Роналдо се трудеше и во второто полувреме, имаше неколку шанси.
Кај Парма, стартер беше Дејан Кулушевски. Швеѓанецот со македонско потекло играше 57 минути, а доби и жолт картон.
Погледнете го првиот гол сезонава во Серија А:
https://www.youtube.com/watch?v=ssdJ-LWybpQ
