Нико Елведи покажа како треба да реагира вистинси дефанзивец во финишот на првото полувреме од дербито во Менхенгладбах, и спаси чист гол за Баер Леверкузен, иако тоа не и помогна многу на Борусија да избегне пораз.
Во 45. минута сосема спротивно од стоперот на домаќините, лоша реакција имаше Керем Демирбеј, играчот на Баер Леверкузен и репрезентативец на Германија, па пропушти зицер за гол од само два-три метри.
Керем како да беше сигурен дека ќе погоди за 2:0 за Баер, но како од земја изникна стоперот на домаќините, Елведи и му го блокираше ударот, само за корнер за гостите.
За среќа на Демирбеј гостите од Леверкузен не беа казнети и победија со 3:1 во Менхенгладбах со што го претркаа токму денешниот ривал на третата позиција со 53 бода и останаа во трката за титулата. Борусија падна на четвртото место со 52 бода, зад Баер, Борусија Дортмунд со 57 бода и лидерот Баерн со 58 и меч помалку.