Кој од кого поубав, ФИФА ги одбра трите голови финалисти за наградата „Пушкаш“ (Видео)

ФИФА на 17 јануари на церемонија во Цирих ќе ја додели наградата „Пушкаш“ за најубав гол во 2021 година, а објавени се и трите финалисти коишто конкурираат за признанието.

Иако паднаа безброј убави и атрактивни голови во минатата година кои би можеле да бидат во конкуренција, ФИФА се реши да номинира погодоци кои беа постигнати на важни натпревари и голови кои ги виделе многу луѓе.

Лани наградата му припадна на Хонг-мин Сон од Тотенхем, а и годинава повторно би можело да победи фудбалер на лондонските Петли.

Гол на годината ќе биде атрактивната „рабона“ на Ерик Ламела од мечот Тотенхем – Арсенал, голот од половина терен на Патрик Шик од дуелот Шкотска – Чешка на ЕВРО 2020 или ножичките на Мехди Тареми од Порто на средбата со Челзи од четвртфиналето во Лигата на шампионите.

- Оглас -

Најнови вести