Кол Палмер во 2023 година се пресели од Манчестер сити во Челзи „само“ за 50 милиони евра, а потоа се промовира во еден од најдобрите фудбалери на Сините. Тоа не остана незабележано од европските гиганти, а според најавите од Островот, Реал Мадрид е сериозно заинтересиран за неговите услуги.
Сепак, Палмер има договор со Челзи уште осум години, па Кралевите ќе мора и тоа како да платат висока сума доколку сакаат да го ангажираат. Според шпекулациите, Реал Мадрид планира да понуди 130 милиони евра, а во Челзи се подготвени да го продадат за таа сума.
Палмер во дресот на Челзи одигра 101 натпревар, постигнувајќи 45 гола, а има и 29 асистенции.
