Алфонсо Дејвис е трагичар на Канада во поразот од 0:1 против Белгија, иако одигра одличен премиерен меч на Мундијалот во Катар.
Брзоногиот репрезентативец на Канаѓаните вешто ги дриблаше противниците, беше ударната сила на својата селекција, но сè е џабе бидејќи ќе му се памети промашениот пенал во десеттата минута при резултат 0:0.
Дејвис шутна лошо, Тибо Куротоа мајсторски го прочита и му го одбрани ударот од белата точка.
И потоа наместо Канада да води, казни Миши Батшуаји со победнички гол за Белгија во 44-тата минута.
А, како играше Дејвис, најдобра потврда е дриблингот во 32-рата минута, кога и буквално со одлична финта го лизна противникот на трева и лесно го мина.
