Јувентус ја оствари деветтата победа во Серија А оваа сезона откако со пресврт го победи Емполи на домашен терен со 4-1. Херој беше новото засилување Рандал Коло Муани, а во завршницата погодија и Душан Влаховиќ и Франциско Консеисао.
Емполи поведе со голот на Матија Де Шилјо во четвртата минута, но во вториот дел Коло Муани во период од само три минути постигна два гола и се погрижи за пресврт. Потоа Емполи остана и со играч помалку.
Во последните мигови беа постигнати уште два гола за Јуве, стрелаа Влаховиќ и Консеисао.
