Колумбиецот Луис Дијас, фудбалерот на Ливерпул, деновиве минува низ пекол затоа што неговите родители беа киднапирани од вооружени лица, а драмата уште трае, таткото на Луис уште не е пронајден, за разлика од мајката, која брзо беше ослободена.
Колумбиската полиција нуди 45.000 евра за информација која ќе помогне за пронаоѓање и спасување на Луис Мануел Дијас, а од воздух и на копно врши и теренско пребарување во шумско подрачје во близина на границата на Колумбија со Венецуела, па постојат сомнежи дека таткото на Дијас илегално е прокриумчарен во соседна Венецуела.
Родителите на фудбалерот беа киднапирани на бензинска пумпа, кога беа пресретнати од група вооружени луѓе на мотори.
Во Ливерпул велат дека се молат за позитивна разрешница и му даваат целосна поддршка на Луис, но свесни се дека ништо не зависи од нив, па моралната поддршка е единственото со што може да му помогнат на нивниот играч.
