Кингсли Коман реагираше неспортски во чуден момент, во последната минута од судиското продолжение на неважен меч за Баерн против Штутгарт и не чекаше да биде исклучен, па сам си замина во соблекувална.
Играчот на Баерн по еден старт на Мавропанос не издржа и му удри шамар на дефанзивецот на Штутгарт во 95. минута и знаеше што го чека, па тргна да го напушта теренот.
Kingsley Coman was sent off with less than a minute to go in the match against Stuttgart. pic.twitter.com/pGqt7blQ7Z
— ESPN+ (@ESPNPlus) May 8, 2022
Судијата Ајтекин очекувано му покажа црвен картон на офанзивецот на Баерн. Мечот заврши нерешено 2:2, а Баерн од претходно ја имаше освоено титулата во Германија.
Штутгарт бие ѓестока битка за да избегне бараж за опстанок и има три бода помалку од Херта, но и подобра гол-разлика, па се надева на чудо на едно коло до крајот на првенството.
Во двата останати дуели од 37. коло денеска во Бундеслигата Ајнтрахт Франкфурт и Борусија Менхенгладбах ремизираа 1:1, а Лајпциг со победа од 4:0 против Аугсбург, стаса до четвртото место, последно што води во Лигата на шампионите.