Манчестер јунајтед ќе тргне по потписот на Кингсли Коман доколку операцијата „ Џејдон Санчо“ не се оствари. Црвените ѓаволи размислуваат да го доведат брзоногиот фрацуски офанзивец на позајмица од редовите на Баерн Минхен, како алтернативно решение доколку 20-кратниот англиски шампион потфрли во обидот да го ангажира Џејдон Санчо, младата ѕвезда на Борусија Дортмунд.
Солскјер е цврст во намерата да си ги зголеми опциите на крилните позиции, потребен му е играч токму како Коман кој од бочните страни ќе може да се закани. Единствена мана е што Французинот е склон на повреди и често е надвор од терените.
Коман оваа сезона запиша вкупно 35 настапи за Баварците во кои постигна седум гола и исто толку асистенции, а претходно месецов стигна до 11-от трофеј со клубот по двојната круна во Германија.
