Сите во Србија очекуваа златен медал од Евробаскетот 2025, но наместо тоа, доживеаја елиминација во осминафиналето од Финска (92-86). Шок кај кошаркарската јавност во Србија е голем, а за тоа говори и информацијата која ја пренесуваат медиумите кај нашиот север сосед.
Мечот на Радио-телевизија Србија (РТС) го коментираше Слободан Шаренац, а после мечот му се слошило и била повикана итна помош, која се наоѓала во близина на салата каде се играше мечот против Финска во Рига.
Иако нема информација дека влошената здравствена состјба е поврзана со мечот, сепак, Шаренац за време на преносот се пожали дека во салата е премногу топло.
Последните информации говорат дека Шаренац се чувствува добро и неговата состојба е стабилна.
Слободан Шаренац е задолжен за натпреварите на Србија, а претходно и на Југославија и на Србија и Црна Гора, на Европските првенства уште од 1995 година и шампионатот во Атина.
