Милан со голем пресврт победи против Верона со 3:2, за голема радост на фановите на „Сан Сиро“. Сите три гола Росонерите ги постигнаа во второто полувреме и по заостанувањето од два погодоци, покажаа дека имаат победнички менталитет.
Жиру и Кеси погодуваа по еднаш за да израмнат на 2:2, а потоа во 78 минута, гостинскиот играч Гинтер си постигна комичен автогол.
Со оваа победа, Милан се искачи на првото место на табелата со 22 бодови, еден повеќе од Наполи кој е втор со 21 бод, но наполитанците треба да играат дома против Торино.
Откако во 1994 година во Серија А се воведе за победа да се даваат по три бода, Милан никогаш немал освоено 22 бодови по осум кола.
22 – Milan have gained 22 points in the first eight seasonal games: a record at this point of the season for the Rossoneri since 1994/95 (three points era). Devil.#MilanVerona pic.twitter.com/QaPYlz3yPV
— OptaPaolo 🏆 (@OptaPaolo) October 16, 2021