Навивачката група на Вардар, популарните „Комити“, на околу три часа пред почетокот на мечот во Битола тргнаа од Скопје. Под големо полициско присуство и во конвој, се очекува во Битола да пристигнат околу 500 навивачи на „црвено-црните“.
Пелистер уште вчера објави дека сите билети за вечното дерби, кое на програмата е од 19 часот, се распродадени, па „под Тумбе кафе“ се очекува да има вистински спектакл пред полни трибини и две навивачки групи.
