Фудбалерите на Вардар заедно со нивните верни навивачи „Комитите“, по подолго време одиграа еден натпревар на „својот“ дом, Националната Арена „Тодор Проески“.
Работнички и Вардар денеска во рамки на 27-то коло од Првата македонска фудбалска лига играа на нашиот најголем стадион и за фештата на трибините“ се погрижија „Комитите“.
„Комитите“ се сместија на добро познато место, Западната трибина, од каде од 1987 година постојано ги бодреле Црвено-црните и креирале многу незаборавни моменти.
,,На Запад приказни, многу запишани…”, беше пораката на Комитите пред дуелот со Работнички.
Тие направија одлична атмосфера, западната трибина „грмеше“ во текот на целиот натпревар и „Комитите “ покажаа дека Вардар мора своите натпревари да ги игра на Арената „Тодор Проески“, а не на стадионот „Борис Трајковски“ во Маџари.
