Турскиот клуб Коњаспор испратил барање до Фудбалската федерација на Македонија да го ослободи капитенот на македонскиот национален тим Енис Барди, од претстојниот меч против Република Ирска во Даблин.
Овој дуел нема некое посебно значење, двата тима останаа без место на Мундијалот, па турскиот клуб сака Барди да им се врати што побрзо и да се стави на раполагање на клубот за подготовките за првенствениот натпревар против Самсунспор кој е закажан за 5-ти април.
Селекторот Гоце Седлоски и ФФМ треба да одлучат дали ќе му излезат во пресрет на Коњаспор. Неофицијално, има шанса Барди да биде ослободен, но не само тој, туку и уште некои други фудбалери како Бојан Миовски.
