Навивачите на Реал Сосиедад конечно се израдуваа на победа на своите миленици во Сан Себастијан, а прва жртва на „Аноета“ сезонава е Селта Виго.
Баскијците победија со 2-1, со головите на Ојарзабал и Зурутуза, а ова е прв домашен триумф, дури во седмиот меч на „Аноета“, за Реал Сосиедад.
Некогашниот бастион, каде што многу тешко се освојуваа бодови во шпанското првенство, сезонава чекаше триумф долго и го дочека вечерва.
По предноста на Реал Сосиедад од 2-0, Селта се закани со голот на Макси Гомес во 82-рата минута, но немаа сили да дојдат барем до реми.
По последниот меч од 13-тото коло, тимот од Сан Себастијан се проби на осмата позиција со 19 бодови, а Селта падна на 15-тото место со 14 бодови.
