Кошаркарите на Алба Берлин приредија првокласна сензација против европскиот првак ЦСКА Москва и славеа на гостински терен со 93:88 во меч од четвртото коло во Евролигата.
Гостите од Германија одлучија да и стават крај на најдолгата серија без победа во Евролигата и за првпат во овој век ја победија ЦСКА Москва и тоа кога никој не очекуваше.
По серијата од пет убедливи порази со двоцифрена разлика од Армејците, кошаркарите на берлинскиот клуб успеаа да приредат големо изненадување.
Симоне Фонтекио беше незадржлив и со 20 поени ја предводеше Алба до подвиг во Москва и прва победа по две децении против ЦСКА, но и прв триумф сезонава во Евролигата.
Кај домаќините тандемот Џејмс и Клејбурн постигнаа заедно 52 поени, но попусто без преголем ефект и за прв пораз од Алба во последните 20 години.
.@Bolomboy21 gets his fingers to the ball and slaps it off the backboard for the block 🔥#7DAYSmagicMoment pic.twitter.com/JrVuvpMame
— Turkish Airlines EuroLeague (@EuroLeague) October 16, 2020
