Сержо Консесиао по седум години си замина од тренерската позиција на Порто, објави денеска португалскиот клуб.
Консесиао беше тренер на Порто од 2017 година и успеа да освои 11 трофеи. Тимот оваа сезона во Португалија ја заврши на третото место зад Спортинг Лисабон и зад Бенфика.
Португалските медиуми истакнуваат дека една од причините за заминување на Консесиао од клубот е доаѓањето на Андре Вилаш-Боаш на претседателската функција, со кого досегашниот тренер не е во најдобри односи.
Порто преку социјалните мрежи му се заблагодари на Сержо Консесиао за соработката. Како негова следна дестинација се споменува францускиот прволигаш Олимпик Марсеј.
