Наполи викендов минимално ја победи Фиорентина со 2-1, а во финишот имаше ситуација која го излуде тренерот Антонио Конте, по што тој во момент на лутина и бес им се заканувал на нашиот Елиф Елмас и на Шпанецот Мигел Гутиерес дека ќе ги убие.
Пред да шутне шише, Конте им вика – повеќе или помалку добронамерно – на своите играчи: „Ќе ве убијам, ќе ве убијам!“. Ова е честа фраза која ја користат тренерите од сите нивоа, од аматери до највисоката лига, тоа е начин да ги поттикнат да го задржат вниманието во клучните моменти, но, секако, не е баш педагошки.
Во судиското продолженние, Конте барал кратко проигрување на Гутиерес и Елмас за да се троши времето. Но, тие не се разбраа добро.
Елмас се оддалечи од корнерот за да влезе во 16-никот, Гутиерес чекаше, а потоа Елмас се врати, но беше предоцна. Резултатот? Погрешен центаршут на Шпанецот, Фиорентина ја освои топката и започна контранапад (за среќа на Наполи, без сериозни последици, акцијата пропадна).
Камерите на ДАЗН го снимија целиот настан: Конте на клупата беснееше, ја стисна тупаницата, се сврте кон играчите и заканувачки извика: „Ќе ве убијам! Ќе ве убијам!“ со лут тон, како да сакаше да ги задави за тривијалната грешка што се закануваше да им ги одземе трите бода.
