Антонио Конте го објави списокот на патници за Тотенхем кои ќе заминат на подготвителната турнеа во Јужна Америка и изненади многумина со изоставување на четворица репрезентативци на различни земји, кои останаа во Лондон.
Конте им порача на Хари Винкс, на Серхио Регуилон, на Џовани Ло Селсо и на Тангај Ндомбеле да си побараат нови клубови што поскоро, што значи дека нема да смета на нив во новата сезона.
https://twitter.com/FabrizioRomano/status/1545819471708704768?s=20&t=kkUuhZmm63iRJIHBL0_0DA
На списокот со патници за Јужна Кореа го нема и новото засилување од Барселона, Клеман Ленгле, кој го засили Тотенхем и вчера беше претставен во клубот, а ќе игра како позајмен фудбалер.
За Ленгле беше доцна да се подготви неопходната документација за пат во Јужна Кореа.
https://twitter.com/FabrizioRomano/status/1545468688467468289?s=20&t=kkUuhZmm63iRJIHBL0_0DA
Отпишаните четворица репрезентативци имаат вкупно 60 настапи за различни репрезентации.
Најмногу има Ло Селсо, 37 за Аргентина и тој ако најде клуб за новата сезона речиси сигурно ќе патува на Мундијалот во Катар.
Винкс играше десет пати за Англија, Ндомбеле 7 пати настапи за актуелниот светски првак Франција, а Регуилон одигра шест меча за Шпанија.
