Во зимскиот преоден рок Интер во своите редови го доведе некогашниот капитен на Манчестер јунајтед, Ешли Јанг. Нераѕурите платија само милион и пол евра за овој искусен играч, чиј договор со англискиот гигант истекуваше на крајот од сезонава.
Иако имаше време да одигра само неколку меча, Јанг покажа дека неговото знаење и искуство ќе му дојде одлично на Интер. Тој веднаш се вклопи во формацијата 3-5-2 на тренерот Антонио Конте затоа што може подеднакво корисен да биде на двете страни.
Според најавите од Италија, Јанг во најскоро време ќе ја продолжи соработката, што значи дека искусниот 34-годишен фудбалер и во следната сезона ќе го носи дресот на тимот од „Џузепе Меаца“.
