Тренерот на Наполи, Антонио Конте, беше разочаран по поразот од Удинезе (0-1). Тој истакна дека тимот мора да игра подобро на гостувања и да покаже повеќе карактер.
„Во првото полувреме немавме ниту еден удар кон голот и можевме подобро да ги искористиме шансите. На почетокот на второто полувреме имавме тешкотии, бевме нервозни и стравувавме. Два поништени гола и статива ни ја отежнаа ситуацијата. Мораме да играме добро и во тешки моменти и да не губиме храброст“, рече Конте.
Тој пофали и дел од играчите за своето залагање.
„Момчињата даваат сѐ од себе. Мораме подобро да ја контролираме играта и да покажуваме карактер надвор од дома. Можеме да напредуваме, имаме талентирани играчи“, истакна стратегот на Наполи.
Конте посочи дека повредите се голем проблем.
„Дури и кога победувавме, предупредував за тоа. На почетокот на сезоната е тешко да се состави силен тим, а повредите ни го отежнуваат тоа. Оваа сезона нема да биде лесна, но мораме да бидеме обединети и да се бориме. Досега загубивме седум натпревари како гости и тоа мора да се промени“, заврши Антонио Конте.
