Копа Америка продолжува без домаќинот САД, ова е првпат во историјата откако се игра по актуелниот формат (од 1993 година наваму) еден организатор на овој настан да не ја мине групната фаза.
Американците загубија од одличниот Уругвај со 0-1, и тоа во комбинација со победата на Панама над Боливија од 3-1 значеше крај за САД на Копа Америка, а историски успех за Панама. За САД ова не е добра увертира пред Светското првенство во 2026, на кое се домаќини заедно со Канада и Мексико.
Во четвртфиналето, Панама и Уругвај ќе играат со Колумбија, односно Бразил, но ако Бразил вечерва ја совлада Колумбија, тогаш Бразилците одат на Панама, а Колумбија ќе игра дерби со Уругвај.
Ова е голот на Оливера со кој Уругвај ги уништи надежите на САД дека може да влезат во четвртфиналето:
Olivera y un gol fundamental para Uruguay 🙌 pic.twitter.com/D4nWtOEwGD
— CONMEBOL Copa América™️ (@CopaAmerica) July 2, 2024
