Уште кога го добија Манчестер сити за ривал, фудбалерите на Копенхаген знаеја дека тука ќе биде нивниот крај во Лигата на шампионите. По поразот од 3:1 на свој терен, сега е 3:1 за Сити само по 45 минути игра во Манчестер.
Иако губат убедливо, фудбалерите на Копенхаген поставија еден интересен рекорд. За првпат во последните 28 години, во меч од нокаут-фазата во Лигата на шампионите еден тим меѓу стартерите има дури тројца тинејџери.
Виктор Фрохолт, Ори Оскарсон и Вилијам Клем се тинејџерите кои се стартери кај Копенхаген против Сити. Последен пат ваков состав со тројца тинејџери во нокаут-фаза имаше извадено Ајакс на 20 март 1996 година против Борусија Дортмунд (Кики Мусампа, Кану и Нордин Вутер).
